Profilo di M e m o O o°·.乂.·° الطعمونـــــــة...FotoBlogElenchiAltro  |  Strumenti Guida |
°·.乂.·° الطعمونـــــــة °·.乂 .·°°·.乂.·° قد أملك بحراً من المشاعر .. لكنني لا أملك قارباً أبحر به °·.乂 .·° |
||||||||
03 gennaio Meaaw  من يوم ما رجعت .. وأنا سايرة بسَّة  أموووء لمَّا ماما تحضني .. أنط نطتين وأقولها : ميوّ ميوّ  لما تخاصمني أطالع فيها وأقولها : ميووووووّ  اليوم أتحول موءاي لـ أنين سايرة أموْموْ موموة بسَّة بتولد بس أنا مومتي بسَّة بتسيب مامتها بعد يومين 28 dicembre 1430 هـ
هل السنة زيَّنا تحزن على عشريناتها ؟ هل السنة زيَّنا مرعوبة تدخل الـ تلاتين ؟
هل السنين الجاية حـ تكون أكثر إغراءاً وأكثر نضجاً ؟
 Happy new year
29 novembre راجع بعد الشووق ما ضناني .. راجع راجع.. راجع تانيتفصلني عن ماما جُمعتين فقط ..
أحس قلبي بيطير من الفرح .. قبل ما أطير لها .. 178.gif) البرد اشتد .. والشتا بئى قد .. نعمل ايييه .. ندَّفى .. يلاَّ نقيب توب الدفة .. برد كندا .. يخليني أشتهي دفاااا حضن ماما أكتر
ألمس الشاشة باطراف أصابيعي لمًّا تكلمني .. أستشعر الدفا
 28 novembre وعدَّت سنة
قبل سنة من الآن .. آخر يوم في القعدة اللي فاتت تفتح عيونها بشويش وتقفلها وتنااااااااااام حسيت بمدى وحدتي .. خارج غرفة العمليات .. كانوا اللي حوالينها رجال .. أخوانها واخواني وبابا
مرَّت سنة الآن .. والحمدلله ماما بخير .. وان شاء الله دايماً تكون بخير
06 agosto أنا لسَّا .. أنا لسَّا .. أنا لسَّا صُغيَّرة5/8/1429
.. لن أربط تاريخ اليوم بالتاريخ الميلادي 6/8/2008 لأنهما لم يرتبطا قبل 27 سنة من اليوم .. الـ 5/8 التاريخ اللي يحفظه الجميع لـ يهنئوني به .. صاحبتي ود تقول : الأغبياء اللي يحسبوا أعمارهم بالهجري .. حاولت أسمع كلام ود وأحفظهم ميلادي الميلادي .. بس مافي فايدة
.. مربوطة مربوطة بالـ خامس من شعبان .. قبل كم يوم .. قلت لـ عبدالله .. يوم الربوع حـ أكمل 25 سنة ..عبدالله طالع فيَّ وما أستوعب .. كيف عمره 26 وانا الأكبر منه أكمل 25 سنة ..يمكن عشان عبدالله ولد .. ما همه العمر .. مخلييه يمشي على كيفه وعلى التاريخ الهجري وما همه وأنا اللي أضارب وأحارب عشان أتربس عند الـ 25  may دا اليوم اللي هم يفرحوا فيه بيَّ .. خليهم يفرحوا .. وأنا لوحدي أحتفل بالـ 28  المهم أكون بالتاريخين صغيرة  13 luglio وسافر من غير وداع .. فات فـ ألبي جراحه .. على العكس من ماما .. أحب التعبير عن مشاعري
 لما أفرح أقول أنا فرحانة .. ولما أزعل أقلب وجهي .. ما أحب أبتسم لأحد وانا زعلانة منه .. أمس أشتريت شنط السفر ..  طوال الأشهر اللي فاتت .. ما قالتلي ماما إنها رح تفتقدني "كانت ترمي عبارات .. "خليني أتعود إنك ما حـ تكوني موجودة" / "أولادي ما سابوني إنتي اللي تبغي تسيبيني .. اليوم بس قالت إني رح أوحشها ومسكت يدي وضغطت عليها
.. حسيت الضغطة جات على قلبي وفغصته .. وانعصر قلبي دم بـ أعبي الشنطة .. وألبس ملابس السفر .. وبعدها أبطل أسافر .. ينفع ؟ 29 giugno ZzZzZzZz  الأجازة بالنسبة لي .. تعني نوم مخربط طول الأجازة أنا في محاولااااااات تنظيم نومي لأيَّااااااام  ويرجع يتخرب بعد كم يوم وأحاول أنظمه تاني .. ويرجع يتخرب
راحت الأجازة في تنظيم النوم وخربطاته^
^
!!! دايماً صحباتي يضحكوا عليَّ عشان أقول أجازة .. يقولولي غلط
 اسمها إجازة مو أجازة أجازة .. إجازة .. ما تفرق .. كلَّها نوم مخربط وبس 26 giugno ابتسامة لا تحتاج لـ ترجمة
.. .. لا أستخدمه أبداً .. أستخدمه لمَّا ( بس خلاص ) لا تقول أكتر من كدا
09 giugno يا دبلة الخطوبــة
هل تساءلت يوماً لماذا يُلبس خاتم الزواج في الإصبع الرابع "البنصر" ؟
ارجع إبهاميك كما كانا وحاول أن تفصل بين إصبعي السبابة "واللذان يمثلان إخوتك وأخوانك" وستجد بأنه بإمكانك ذلك لأن إخوتك وأخوانك سيأتي يوم وتصبح لكل منهم عائلة وينشغلون بأمور حياتهم
عشان كدا المفروض كل وحدة يوم شوفتها .. تقول لـ عريسها طلِّع يدك
06 giugno ود الجميلة جداًتماماً كما وعدتكِ .. سأكتب عنَّا .. عن الصداقة اللي تخلق الفرح في داخلي تزرع البسمات في كل مرَّة أراكِ فيها عن أحلامنا الصغيرة "المتكندنة" اللي حلمنا بها سوياً  لن أهتم هذه المرَّة أن يفهم كلامي أحد .. ستكون هذه المساحة لكِ وحدكِ .. وباللون اللي تحبيه في "الروَّاد" في رمضان كانت البداية .. معلمة جديدة في الغرفة معانا .. قالتلنا "بدور" إنها بتجي اليوم .. سلمت لما دخلت .. وأنا على مكتبي أفصخ العباية وأتكلم أتكلم .. كنت مستعجلة وعندي حكايات أحكيها وجالسة أتكلم أتكلم أتكلم .. أوجه كلامي للصديقات وللمعلمة الجديدة .. ودقَّ الجرس .. نزلنا الطوابير .. ونزلت المعلمة الجديدة معانا كنَّا متأخرين وكنت لوحدي معاها .. يمكن كانت مكسوفة تتكلم وتسأليني قدَّام المعلمات كلهم  وانتهزت الفرصة وسألتني عني وفين درست في الابتدائي  وبالمصادفة .. كنَّا درسنا في نفس المدرسة !!! بس كنت سابقتها بـ 3 سنين.. صدقاً .. لم أربط بين الصورتين .. صورة البنوتة اللي درست معايا وبين المعلمة اللي قدَّامي .. إلا فـِ الطول .. لا تزال تحتفظ بالسِّمة اللي تميزها كان الاسم موجود في ذاكرتي .. ماما كانت تقولي دايماً وأنا صغيرة إنها صاحبة أم ود .. وإنهم درَّسوا مع بعض في نفس المدرسة زماااااان .. أول ما عرفت إنها ود .. سألتها : إنتي مامتك : أبلة سامية ؟؟ قالتلي اييوا ..  رديت عليها : صاحبة ماما وكانت الفرحة الأولى .. صديقة طفولة ع الرغم إني ما عرفتها إلا بالشكل ونحن صغار + بنت صاحبة ماما
.. كدا بدأنا
.. ود صديقة لطيفة .. وكلامها ممتع .. ولها أسلوب رائع في الحكي .. مع كل يوم .. كانت صداقتنا تزيد متانة أكتر وأكتر .. حتى أصوات ضحكاتنا كانت تتطابق هههههههههههههههههه عندها ضحكة المارد .. مع مرور الوقت كانت ضحكتي تأخذ طابع ضحكتها يوم من الأيام زعلنا من بعض .. مدري على اييه ؟؟ والله نسيت
 بس رجعت البيت مكتئبة ومتضايقة وآخر شي لما اتكلمت .. قلت لماما : زعلانة من ود كان المفروض إنه يكون شي عادي .. اتزاعلنا وماله !!! بكرة نتصالح  بس فكرة إني ما حـ أتكلم مع ود وإني حـ تكون برَّى حياتي بعد اليوم .. فكرة خانقة .. وتبعث الاكتئاب أرسلتلها رسالة : رضى والله وراضيناك .. دلع حتى ودلعناك .. كافي لا تزودها .. لو ندري ما زعلناك
وردت عليَّ : سامحتك سامحتك .. سامحتك كتير .. سامحتك سامحتك بألبي الكبير !
ومش غصب عني ولا ضعف مني لأني .... <<< للآن ما عرفت لأنك اييييه يا ودفي داخل صديقتي طفلة صغيرة أحبها .. طفلة تفرح بالوردات من حولها .. طفلة تحلم ترسم البحر باللون الأخضر وتلون السماء بالأصفر
طفلة تبعث على البهجة حيثما كانت
.. اتفقنا نتغدا في أماكن كتير .. ونتعشى في أماكن أكتر .. نكون مع بعض فِ كل الأماكن
 عشان تكون لنا ذكريات في أماكن أكتر مع بعض .. ذكريات في شيزان وفي موتشوز وفي الياباني وفي شيكاغو قرِلأصوات ضحكاتنا العالية تنبعث في كل مكان
ههههههههههه والصور اللي نصورها للأكل .. وحركة الـ "اممممممممممممم" لمَّا تغمض ود عيونها بهد كل لقمة (( واااا بأصوِّر فيديوو ))  شكل التقارب اللي جمعنا مع بعض خلَّى كلامنا كمان يتطابق .. أقول ملطلطة وتقول بغبغسوينا أغاني لنا ههههههههههه أول أغنية "بحلم بيك" حطيتها نغمة لها وحطتها نغمة ليَِ .. لمَّا اتصل عليها .. ترد وتكمل الأغنية من مكان ما انقطعت وقت الاتصال .. وانا كمان
وغيرنا النغمة لـ "حبيت أيامي بيك" وآخر شي "بتوحشني وأنا ويَّاك" .. واتفقنا بعد سنيتن وقت البرد إننا نسمع "أواخر الشتا" وتسير أغنيتنا عشان نسوي الأغنية من جد : اواخر الشتا ئبل اللي فات "وسبت المدرسة اللي فيها "ود
كانت كل يوم تكلمني وتحكيني كل شي يسير في المدرسة .. أصحى على صوتها وأنام على صوتها .. كانت تقولي .. أول كنت زعلانة إنت سبتي المدرسة وما سرنا مع بعض .. بس دحين وأنا أحكيكِ كل شي مرة فرحانة إن في أشياء أحكيها لكِ أكتر من أول ..
أحياناً أكون مشغولة وأحياناً تكون مشغولة وما نتكلم .. بس لمَّا نرجع نتكلم .. تكون واحشششششاني مرَّرَّرَّرَّرَّرَّة .. أحياناً العمل وأحياناً مشاغل الحياة تسرقنا .. بس الـ ود اللي جمعنا بيرجعنا .. واللي شبكنااا يخلصنا << آخر شي مالها شغل بس جا فـ بالي أغني.. أنا سيئة فـِ التعبير عن مشاعري .. سيئة في المحافظة على صداقاتي .. سيئة فـ التمسك بالأشياء الجميلة في حياتي
.. ما أعرف أكون صاحبة خطوة أولى .. وما أعرف المباردة في العلاقات
! ما أعبر عن شوقي ولا عن حبي إلا لمَّا "ود" تقولي وحشتيني .. أقولها وإنتي كمان
مع إني شوقي لها كبير .. وربما أكبر مما تملكه هي .. وربما أكبر مما تحسه هيَ
أنا صاحبة الغموض التي استطاعت ود أن تسبر أغواره .. ولم تشأ أن تغوص فيه بمحض إرادتها ..
قالتلي : لكل منا جانب مظلم يخفيه .. بلاش نغوص ونندم .. خلينا كدا أحسن
ود .. بحار رح تبعدنا عن بعض .. وربما قارَّات .. بقياس هذا البعد وربما أكبر منه حجم حبببي لكِ
.. دائماً وللأبد ستكونين فِ القلب
.. رح تجمعنا أحلامنا المكندنين الصغيرة ورح تجمعنا أحلام أكبر منها
 "أولادنا رح يلعبوا مع بعض .. وحـ نتفرج عليهم "ان شاء الله رح أشاور بالعكازة على التلفزيون وأقولك يا ود دي أغنيتنا تفتكري
!!! رح تحرِّكي نضارتك على خشمك ببطء وتقوليلي : غني يلاَّ معاها هههههههههههههونضحك ضحكات عجايز << مو مارد أحبك يا ود
01 giugno صوْ صوْ صوْ صوْ صوْ صوْ
"مرَّة حكت هيفا وهبي عن الهدايا اللي تقدمها : " إنها ما تحب تقدم هديَّة عطر
|
||||||||
أكتبت قبل الآن أني لا أحب
>> الإصبع الأوسط يمثل نفسك -
الإصبع الخامس "الخنصر" يمثل أطفالك -
ولا كان جاني الـ "كتكوت" اليوم 
لا ومعطيتني أكله معاه 
كنت بأهديه لأي وحدة عندها صغار يفرحوا بييه .. بس البنت وصلتني بـ كتكووتني اللي أنا خايفة مننه إليين الباب .. يعننني ما قدرت أعطيه ولا لأحد .. هديتي لاصقة في حلقي 
وصرَّخت .. والسواق سار مخيول بيني وبين الطريق .. آخر شي مد يده ومسك الكتكووت عشان يقدر يركز في حاجة وحدة كويس ما خطر في باله يسد فمي |
|
